قصيدة اجمل محطة

هلوشباب شلونكم انشاء الله بخير
اليوم حبيت اكتبلكم قصيدة للشاعر محمد رحيمة الطائي
وهاي القصيدة عزيزة جدا على قلبي واعتبرها هدية من انسان حيل عزيز علية
طبعا اعوفكم وية قصيدة اجمل محطة

اذا ماحبچ انتي ..
اشلون احب الناس ..؟؟
يا أول غرام بصغري .. وبكبري
وإذا ماشوفچ انتي ..
اشلون اشوف الناس ...؟؟
وآنه ابغير شوفچ بي قصر نظري !!
حبيتچ سهر ..
وايامي غابة ليل ..
وبس وياچ اسهر
يابعد عمري
اذا مو ألچ اكتب ..
ما احس بالشوگ ..
وآنه العله مودچ .. اكتب ابشعري
جربتچ اهواي ..
وشفتچ اوفى الناس ..
يا أول حبيبة اتحملت قهري
أسأليني ...
ابحياتي اشگد تمر نسوان ؟؟
ليش انتي الوحيدة ..
الباقية ابفكري ..؟؟
وأسأليني ..
ابحياتي اشبيها من اهموم
ليش آنه منشوفچ ..
يطفه كل جمري ..؟؟
يا أجمل محطة ..
البيها گلبي ارتاح
يانهر الحنان .. وبالگلب يجري ...
تغفه أعيون ياما ..
وياما ، نامت ناس
وآنه ويه الاشواگ .. وملتهي ابسهري
اقرب من اشوفچ ..
واحترك مرات ..
احس من بعيدة ..
ويختنگ صدري
ويمر طيفچ هوى ..
واحتار اشمه امنين
وشكو احلى يعمري
من الهوى العذري ؟؟
وتسأليني احبچ ....؟؟؟
اي نعم والله
بس ليش آنه احبچ ... ؟
صدگي ما ادري ..!!

مشكورة على هاي القصيدة الرائعه والمتالقه وبيها معاني تحمل الحب وبارك الله فيكي على هذا الابداع في كافة الاقسام والمواضيع الي تكتبيها بيها شيء من الجماليه لايمكنني وصفه تحياتي واحترامي الك خيتو اخوكي ابو طه.

تثبت القصيدة مادامها عزيزة عليكي وابداعها عندي حلو.

يسلموووووووووو يلغالي
نورت الموضوع
اني كولشي مدا اسوي بلمنتدى هذا اقل واجب لانك انطيتني منصب بلادارة ولازم اكون عند حسن ضنك وضن الاعضاء
والله لو عندي وقت اكثر لكان مليت المنتدى بمواضيع تستاهلون تقروها يا احبابي

عراقية للأبد وافتخر بهذا كتب:يسلموووووووووو يلغالي
نورت الموضوع
اني كولشي مدا اسوي بلمنتدى هذا اقل واجب لانك انطيتني منصب بلادارة ولازم اكون عند حسن ضنك وضن الاعضاء
والله لو عندي وقت اكثر لكان مليت المنتدى بمواضيع تستاهلون تقروها يا احبابي

الله يسلمك يالعزيزة هذا نورك انتي كسبتي الاعضاء والمدير بمواضيعك الرائعة والمتميزة خيتو وياريت الاعضاء يكونون مثل تفوقك وعزيمتك واصرارك والله خيتو اهم شيء تفوقك يعني هذا يسعدني اكثر واني بغربتي تقبلي فائق الاحترام والتقدير

اخوكي ابو طه.