قصيدة صوت البلابل

مرحبا اليوم قررت اكتبلكم قصيدة حزينة على الغالية حبيبة عمري بغداد ام الدنيا
طبعا اتمنى منكم ان تقروها وتنطوني ردودكم الحلوة
علما انها للشاعر محمد رحيمة الطائي


صوت البلابل

على صوت البلابل ..
تگعد الناس ..
وآني اگعد ..
على صوت القنابل ..
واذا هالناس تسمع صوت فيروز ..
آنه الصبح ..
اسمع صوت داخل (*) ..
ونين من الصبح ..
حد مايجي الليل ..
ويعذبني الزمن ..
بس آني قابل ..
واذا تسألني ..
ليش الون والهموم ..
وليش ابداخلك ..
ماظل تفاؤل ..
اگلك ..
گمطتني امي بالاحزان ..
ورضعت اهموم وكتي وآني جاهل ..
وين بيا مدينه الروح ترتاح ..؟
اذا بالناس ماظل كل تساهل ..
واذا صاير بريء ..
اليقتل الناس ..
گلي بيا محاكم ..
تلگي قاتل ..؟
ومتنازل ابو الحق ..
كلشي ميريد ..
فوگ الحق صبح ..
ينطي التنازل !!
باگو حتى اسمك ..
وانت ممنون ..
لأن ما تلگه ..
بالباگوك عاقل ..
وبعد تسألني ..
ليش الون والهموم ..
لأن طبعي صريح .. وما اجامل ..
گبل چان اليسامح .. طيب ايكون ..
هسه اللي يسامح ..
هو عايل ..

احس بغداد صارت ماهي بغداد ..
ظلمة ..
وما تضويهه المشاعل ..
على الحيطان ..
كلشي تشوف .. واشكال ..
تهديد ..
ومطاليب ..
ومسائل ..
وعلى بغدادنه تنوح الحمامات ..
وتبچي اگبال خضرتهه المناجل ..
عفيه اشگد خلگ .. للموت ويشيل ..؟
على نعشك يموت اشكثر شايل ..؟
الصبح تغبش اهموم ..
وشايله اهموم ..
وترد امحمله ..
بالهم والمشاكل ..
ونتبارك لمن نوصل سلامات ..
لأن واحدنه يم الموت نازل ..
ننام ونقره الف ( ياسين ) بالبيت ..
ويگعدنه الصبح صوت القنابل ..

جزاكي الله كل خير على هذا ابداعكي الي راح اوصفه باانه تعدى كل الحدود وبانه مشاركاتكي التي لايخلو المنتدى منها كل يوم ودمتي بحفظ الباري
اخوكي ابن الدليم(رسول الدليمي).
وتثبت القصيدة

يسلموووو رسولي الورد واشكرك على تثبيت القصيدة لانها فعلا تستاهل التثبيت وكافي بيها اسم ام المدن بغداد عاصمة الحضارة والتاريخ صدقني من اقرأ هذه القصيدة اموت من الحسرة والقهر لاني الي ديصير بينا مو قليل

عراقية للأبد وافتخر بهذا كتب:يسلموووو رسولي الورد واشكرك على تثبيت القصيدة لانها فعلا تستاهل التثبيت وكافي بيها اسم ام المدن بغداد عاصمة الحضارة والتاريخ صدقني من اقرأ هذه القصيدة اموت من الحسرة والقهر لاني الي ديصير بينا مو قليل

الله يسلمك خيتو اي والله بيها بغداد الحضارة وبغداد المجد والتاريخ بغداد ام المدن وبغداد العزة والكرامة والله كلنه ياخيتو نبجي على بغداد وعلى العراق كله وانتي صلاحيتك مثل صلاحيتي الي اتريدين اتثبتيه اثبتيه وبدون اخذ اي مشورة مني وهذا من حقك
اخوكي رسول الدليمي.

ماشاء الله عليج يا مبدعة فعلا اثبتي ابداعاتج يسلم العقل المدبر
مع امنياتي العبقة بالنجاح الدائم
تحـــــــــــــــ الج ــــــــــــــــياتي